الدم دمكـــــــ

المساهمات : 90 تاريخ التسجيل : 16/01/2012 العمر : 28

قصيده اشتهرت لحمدان بن الكيله العامري
وسالفتها بعد اشتهرت ...

كانوا من فتره يلفون هل بنك الدم على مختلف الاماكن ماادري وين صادفهم حمدان بن الكيله .. فقالوا له تتبرع قال هيه اتبرع فـ يات وحده ممرضه بس فاتنة الجمال .. يوم ضربته بالابره كنّها شوي ويعته فقالت له اسفه .. فـ قال:-

الدم دمك يا أريـش العيـن
وثق فديتـك غـرز الآبـار
وأسحب بدال الكيس كيسين
وعقب اليمين أرجوووك اليسار
حط بحشايـه غـرس سكيـن
جرحك دوى لجرووحٍ غـزار
بعطيك عهـد وفوقـه يميـن
وعطني شهد من ريج الأزهـار
قالت كفايـه قلـت تكفيـن
ضمي غرامي شوق واصـرار
قلبي رهيـف الحـس ويليـن
عشـاق منـه بالصبـا يغـار
صدفه تجمـع بيـن الأثنيـن
حكمه مثل الرحمـن وأقـدار
حبلـك تمكـن فالشراييـن
وحبالي مـن دونـك قصـار
قبلك ثقيـل وطبعـي رزيـن
سدي غزير وطامـي أسـرار
أثـر المـوده طبعهـا شيـن
كنـي مـع يويلـة الــزار